·          Kesi dhidi ya LULU: Upelelezi bado unaendelea, mahakama yaambiwa

Waendesha mashtaka wameiambia mahakama ya hakimu mkazi Kisutu kuwa upelelezi wa kesi dhidi ya Elizabeth Michael ‘LULU’, anayekamiliwa na mashtaka ya kuhusika na kifo cha msanii Steven Kanumba, bado haujakamilika. Hakimu Augustina Mmbando alielezwa hatua za upelelezi wa kesi hiyo, na kwamba bado unaendelea.

Lulu hakutakiwa kujibu mashtaka dhidi yake sababu mahakama hiyo haina mamlaka ya kusikiliza kesi za mauaji, kwa mujibu wa mwenendo wa sheria ya makosa ya jinai (CPA.) Kesi itahamishiwa katika Mahakama Kuu Tanzania, kanda ya Dar es Salaam. Lulu aliamriwa kuendelea kukaa mahabusu na kutokea mahakamani Oktoba 8 kesi hiyo itakapotajwa. Habari kwa mujibu wa pro-24.blogspot.com.

"Lolote mtakalo mfanyiwe na watu, nanyi watendeeni hivyo" Math 7:12.